ëres ladines
Ueia de lauré y se sëurantò respunsabltà zënza giapé paià
// Sofia Stuflesser //
Cërta jënt à na gran ueia de lauré, cërta jënt uel plutosc se goder la vita. Y pona iel mo cërta jënt che à la motivazion de lauré per n fin de bën zënza se damandé n paiamënt
![](magazin_img.php?src=A1266/La_Usc_di_Ladins_fmt.jpg)
La presidënta Milva Mussner dà ca truep de si tëmp liede per “La Usc di Ladins”
Te Südtirol iel na gran mancianza de laurantes y lauranc. Truepa jënt se lamënta che l davani ie massa bas, che la cundizions de lëur ie massa stletes, che l orar de lëur ne ti scusa nia, che l ie massa na gran prescion, che n à massa puech liede y nsci inant. Cërta persones uel plutosc schivé l busiamënt y se goder la vita mpede lauré sciche mac.
Dal’autra pert iel jënt che se pera ite la manies, che à ueia de pië do, che se vëija de bela de lauré nce sce l ne n’ie nia for saurì. Danter l’ideies de carpe diem y dla vanitas o dl memento mori iel truepa sfumadures.
La ueia de fé ulentariat
Daujin a chëles y chëi che lëura per davanië iel mo na categoria, da mé ora mo plu da stimé, che à ueia de se dé ju cun l ulentariat, sëurantulan lëures de coordinazion, ncëries d’uni sort, cruzi o n cër’ pëis zënza n recunescimënt de scioldi. Jënt che dà ca si tëmp liede per n fin plu aut. Ma chi ie pa chësta persones che mëina la lies? Sce cialon dereviers tla storia, possen cunstaté che l fova plu dagiut dantaldut ëi a cë dla lies. Al didancuei vën truepa urganisazions zënza fin de davani menedes da ëiles. Ëiles da ardimënt y da artenienza che se sëurantol na gran respunsabltà y che mëina na firma de ulentariat.
A cë de na gran firma
Te Gherdëina iel n valguna presidëntes de lies che à una o plu cunlauradëures. Doi lies che à propi na gran cumpëida de dependëntes y dependënc ie l Schi Club Gherdëina y la Union Generela di Ladins dles Dolomites. A cë dl Schi Club ie bele da truep ani incà Lidia Bernardi. Dala sies daduman nchin tert da sëira possel vester che la vën cherdeda su per cuestions dl Schi Club. Bele plu iedesc sota si presidënza, ma nce bele dant, ie l Schi Club Gherdëina deventà campion dla Talia. L Schi Club à 42 cunlauradëures, 260 atlec, 17 pulmini y na bilanz feter na milion de euro. Pudëis ve nmaginé ce lëur che Lidia à dut ntëur.
N’autra ëila che se dà ju cun gran mpëni a cë de na gran lia ie Milva Mussner. Coche presidënta dla Union Generela di Ladins dles Dolomites muessela dantaldut se cruzië de La Usc di Ladins, zaita data ora da chësta lia. Pra chësta zaita iel leprò 11 cunlauradëures interns y passa 16 esterns. Danter l’atività istituzionela y chëla cumerziela manejeiela de ndut n bilanz de passa 1.200.000 euro.
Coche pudon se nmaginé ne n’iel nia saurì manejé tan na gran bilanz y ti fé a scusa a duc. Sëuraprò iel da planifiché y mené inant l’atività, y pona nce da curé la pert interpersunela, umana. Coche presidënta se sëurantolen donca n gran pëis y cruzi, ma la legrëza y sudesfazion canche n à arjont n bon travert alesirea duta la fadies.
L ie da stimé che l ie ëiles coche Lidia y Milva che se vëij de bela de sëurantò chësta gran respunsabltà y à ueia de lauré y coordiné zënza giapé paià. A chësta persones iel da ti sentì gra che la lies, donca na pert mpurtanta de nosta cumenanza, posse viver inant.
“L ie for bel a sustenì i jëuni te si pascion”, Lidia Bernardi. “La cultura ladina ie for stata mi pascion y sce posse judé a muever zeche y dé mi cuntribut te chësc ciamp l feji gën nce sce l me costa drët truep tëmp liede y energies; po spèren mefun che mi sforc te dut chësc lëur de ulentariat y la cunvinzion che mëte ite tl’ativiteies cultureles purtedes inant deberieda a duc mi cunlauradëures y cunlauradësses debe nce fruc a bën de duta la cumenanza ladina”, Milva Mussner.
Dal’autra pert iel jënt che se pera ite la manies, che à ueia de pië do, che se vëija de bela de lauré nce sce l ne n’ie nia for saurì. Danter l’ideies de carpe diem y dla vanitas o dl memento mori iel truepa sfumadures.
La ueia de fé ulentariat
A cë de na gran firma
N’autra ëila che se dà ju cun gran mpëni a cë de na gran lia ie Milva Mussner. Coche presidënta dla Union Generela di Ladins dles Dolomites muessela dantaldut se cruzië de La Usc di Ladins, zaita data ora da chësta lia. Pra chësta zaita iel leprò 11 cunlauradëures interns y passa 16 esterns. Danter l’atività istituzionela y chëla cumerziela manejeiela de ndut n bilanz de passa 1.200.000 euro.
Coche pudon se nmaginé ne n’iel nia saurì manejé tan na gran bilanz y ti fé a scusa a duc. Sëuraprò iel da planifiché y mené inant l’atività, y pona nce da curé la pert interpersunela, umana. Coche presidënta se sëurantolen donca n gran pëis y cruzi, ma la legrëza y sudesfazion canche n à arjont n bon travert alesirea duta la fadies.
L ie da stimé che l ie ëiles coche Lidia y Milva che se vëij de bela de sëurantò chësta gran respunsabltà y à ueia de lauré y coordiné zënza giapé paià. A chësta persones iel da ti sentì gra che la lies, donca na pert mpurtanta de nosta cumenanza, posse viver inant.
“L ie for bel a sustenì i jëuni te si pascion”, Lidia Bernardi. “La cultura ladina ie for stata mi pascion y sce posse judé a muever zeche y dé mi cuntribut te chësc ciamp l feji gën nce sce l me costa drët truep tëmp liede y energies; po spèren mefun che mi sforc te dut chësc lëur de ulentariat y la cunvinzion che mëte ite tl’ativiteies cultureles purtedes inant deberieda a duc mi cunlauradëures y cunlauradësses debe nce fruc a bën de duta la cumenanza ladina”, Milva Mussner.